طريقة دهان بيتك بأيدك

[ندعوك للتسجيل في المنتدى أو التعريف بنفسك لمعاينة هذه الصورة]
في اغلب الدول الناس بتدهن بيوتها بنفسها لكن انا عايزة اقولكو ان الموضوع دة سهل جدا جدا خصوصا مع وجود خامات متنوعة في السوق بتسهل لنا عملية الدهان وخصوصا مع وجود البويات البلاستيك وهي الاسهل في تحضيرها ودهانها وبتدى نتايج مرضية جدا وباقل التكاليف وزى محنا عايزين
تأسيس الحائط
[ندعوك للتسجيل في المنتدى أو التعريف بنفسك لمعاينة هذه الصورة]
علشان الدهان يكون جميل وثابت من غير اى عيوب لازم ناخد بالنا ان قبل دهن البوية فية خطوات مهمة لازم تتعمل لتاسيس الحائط ففي البداية هنسنفر الحائط بسنفرة خشنة وبعدين هنجيب سكينة معجون وهندى وش معجون للحائط بطريقة طولية وبعدين عرضية وبعدين طولية تانى وبعد المعجون ينشف هنسنفرة بسنفرة ناعمة وبكدة نكون اسسنا الحائط وبعد كدة نبتدى ندهن
واكتر لون موضة في الدهانات اللون الجملى والبيج
[ندعوك للتسجيل في المنتدى أو التعريف بنفسك لمعاينة هذه الصورة]
ودى باليتة الالوان عموما
[ندعوك للتسجيل في المنتدى أو التعريف بنفسك لمعاينة هذه الصورة]
ابدائي من فوق لتحت

[ندعوك للتسجيل في المنتدى أو التعريف بنفسك لمعاينة هذه الصورة]
دايما نمعجن السقف وندهنة الاول وبعدين الكورنيش وبعدين الحائط وعلى فكرة الاحسن ان السقف يكون لون الحائط يعنى لو السقف جملى يبئة الحائط جملى والكورنيش البيض
هنبتدى ندهن اول وش وبالنسبة للبويات البلاستيك بندهنها بالرولة
[ندعوك للتسجيل في المنتدى أو التعريف بنفسك لمعاينة هذه الصورة]
ودة اسهل بكتير من الفرشاة فهنجيب جردل البوية ونحط فية الرولة وندهن الحائط بالطول 3 وشوش في كل يوم وش ونخلى بالنا قبل ما ندهن الحائط اننا نجيب سوليتب (لازق) مخصص للنقاشة ولزقة على طرف الكورنيش من تحت علشان اللون ميتاثرش
ازاى نداري عيوب الحائط
[ندعوك للتسجيل في المنتدى أو التعريف بنفسك لمعاينة هذه الصورة]
فية بعض الحوائط بيكون فيها مشاكل زى الرطوبة او مية ودى ممكن تقلق وتضايق ناس كتير لكن علاجها سهل جدا ب اننا نجيب المعجون ونخففة بشوية مية وهنجيب فرشاة مدورة
وهنبتدى نحط الفرشاة في المعجون ونبتدى نعمل دوائر في جميع انحاء الحائط وبعد مالمعجون ينشف هنجيب مثلا بوية لونها اخضر زيتونى فاتح جدا وهندهن الحائط بالرولة وش واحد وهنسيبها لغاية ماتنشف وتانى يوم هنجيب بوية لونها اورنج فاتح وهندهن بيها الحائط بدون ضغط والمنظر في النهاية ان الدوائر دى هتكون باروزة جوة اخضر ومن برة برتقالى والدواير دى مع تداخل الالوان بتداري اى عيوب موجودة
ازاى تدهن اسبونج
[ندعوك للتسجيل في المنتدى أو التعريف بنفسك لمعاينة هذه الصورة]
اما لو عايزين نعمل حائط اسبونج فهندهن الحائط بيج 3 وشوش وقبل الوش الثالث ماينشف هنجيب بوية لونها بيج اغمق ثلاث درجات من اللون الاول وهنجيب قطعة قماش قديمة وهنكرمشها وهنبدأ نحطها في جردل البوية ونوزعها على الحائط بطريقة عشوائية
ورق الحائط اسهل
[ندعوك للتسجيل في المنتدى أو التعريف بنفسك لمعاينة هذه الصورة]
فمن الممكن ان نجلد الحائط كلة بورق الحائط وسعرة رخيص وبيتلزق بطريقة سهلة جدا
اول حاجة بنجيب لزق ورق الحائط وندهن بية ظهر الورق وبعد كدة نبدأ بلزقة على الحائط من قوق لتحت ومن الاحسن اننا نكون مسنفرين الحائط اولا بسنفرة ناعمة
وبعد ما بنلزق الورق من فوق لتحت نجيب فوطة ناشفة ونشيها على الورق من برة علشان ميبقاش قي اى بروز
بعش اشكال الحوائط
[ندعوك للتسجيل في المنتدى أو التعريف بنفسك لمعاينة هذه الصورة]

الله يا رانا

رووووعة

[ندعوك للتسجيل في المنتدى أو التعريف بنفسك لمعاينة هذه الصورة]

» طريقة دهان الحوائط (بأشكال مختلفة)
» بوية تعتيق 2010، دهان التعتيق ،دهانات التعتيق جديدة , بوية التعتيق،بوية تعتيق 2010، دهان
» دهان الجدار بالتعتيق والترخيم / التحدي