الاخ الكريمguest

العزيزة طيف
أولا حمد الله عل السلامة
ثانيا : شكرا لنصائحك الغالية وفعلا سعيد بانتمائك الشديد للمنتدى
بس انا كنت احب ان يكون رايك اكثر موضوعية
مش ممكن تقولي
""ومنتدى نور الاسلام افضل المنتديات الموجوده فى النت بالرغم انه مش مشهور اوي
كنت اتمنى انك تقولي انه افضل منتدى بتحبيه
لأن المنتديات لها مقاييس عالمية للجودة زي الشركات والمصانع بالضبط
بصي يا طيف
انا حاسس ان انت ممكن تكوني مختلفة ممكن يخرج منك شيء كويس
بس لازم تتحلي بالاحترافية اللي بنفتقدها في مجتمعاتنا العربية
يعني لما ادخل على موضوعك وانقده ده معناه انه يستحق النقد
انت ممكن تبصي بس على اني بابحث عن اخطائك
تاكدي انا باشوف موضوعات خسارة اني اضيع وقتي في قرايتها
لكن لما اقرأ وكمان ارد يبقى فيه حاجة تستاهل الرد
- عندي سؤال ليكي ياطيف
انت حضرتي قبل كده مناقشة رسالة ماجستير او دكتوراه أو حتى سيمينار
لو حضرتي كنت هاتعرفي يعني ايه نقاش علمي
المناقشة بتخلو من كلمات النفاق التافهة
لكنها مملوءة بالود المهني

لكن انا برضه مش بانكر حبكم لبعض ولابأكده
لكن الشواهد اللي لاحظتها من خلال متابعتي لردود الزملاء ترجح العكس
زي مابنقول شميت ريحة نفسنة من بعض الأعضاء
لكن والله انا عودت نفسي اني ابعد عن العواطف على النت
يعني ماينفعش اني احب او اكره على النت
بس ممكن استفيد وافيد
الحب فقط للحياة الحقيقية
وما ينفعش انك تقولي
"بس يكفينا اننا معندناش كذب ولا رياء ولا الحاجات الغلط اللى بنشوفها فى المنتديات التانيه
يكفينا اننا بنعرف بعض كويس مش بنخبى حاجه عن بعض
"
ده خطأ مهني إذا كنتي مسئولة عن منتدى علمي يبقى مافيش حاجة اسمها كدب فيه حاجة اسمها وجهة نظر
و لا يجب انكم تعرفوا كل حاجة عن بعض ده أكبر خطأ مهني لأن السرية على النت ضرورية جدا
في النهاية اتمنى ان الرد المطول ده وصل لك اللي انا حابب انك تعرفيه
وهو ان مش بانقد كره لكن عشان انا متوسم فيكي الخير
تقبلي تحياتي

guest اخى العزيز
الله يسلمك من كل رضى
حمد الله على سلامتك صدقنى انا سعيده جدا بمتابعتك لموضعات عالم الكمبيوتر
بس زعلت حبتين من كلامك
على فكره انت متعرفنيش كويس بس بكره اكيد هتعرفنى انا مش بعرف اجامل واللى فى قلبى على لسانى على طول
من ناحية اننا نعرف بعض صدقنى مش غلط ده طبعا من وجهة نظرى بالرغم من ان اخى نور الاسلام حزرنا من ده
بس صدقنى احنا كلنا اقصد طبعا البنات محتاجين لبعض وبنكمل بعض
وبعدين ياسيدى مين منفسن من مين هههههههههههههههههههههههههه
اوعى يكون انا
لا لا
معندناش نفسنه خالص خالص
علشان كل واحد بيبدع فى بابه وعلشان كمان كلنا بنحب بعض
وصدقنى هنا بس فى المنتدى ده تقدر تقول ان فيه حب على النت
لاكن غير كده لا
الحب موجود هنا فى المنتدى بينا بس صدقنى بكره ان شاء الله الايام هتثبت ليك صحة كلامى
على فكره انا برده اشتركت فى منتديات كتير طبعا مش اجنبية زى حضرتك
بس صدقنى لاقيت الكذب ولاقيت حاجات غلط
ومنتديات معروفه على الشبكة ولها كينها
وبعدين ربنا هدانى لاحلى منتدى لاغلى منتدى ونسيت كل الدنيا بيه
بجد هتلاقى هنا اصدق اسرة واحن اسرة واحب اسرة واحلى اخوات فى الدنيا كلها
معلش طولت عليك
ولتانى مرة بطلب منك بجد مشاركةفى الموضوعات فى باب عالم الكمبيوتر
لانى بجد عارفه ومتأكده اننا هنستفيد منها ان شاء الله
هستناك متتأخرش عليا

عزيزتي طيف
شكرا للمجاملة الرقيقة والدعال الصالح
بداية انا مش عارف ايه الكلام اللي زعلك اتمنى انك تناقشيني فيه بقلب مفتوح
وفيما يتعلق بمعرفتي بك
انا اعتقد اني اعرف عنك اكثر مما احتاج وذلك من متابعتي لموضوعاتك الجيدة
ورغم تحذيري لك من التعارف على الآخرين عبر النت إلا اننا في المجتمعات العربية لا نأبه بالتحذير " بتفكريني باللي يشوف لافتة الحائط مدهون بالطلاء ومع ذلك يصر انه يجرب بايده"
الشيء الحقيقي الوحيد على النت هو ال ip
وصدقيني برضه انه مش حقيقي
وفيما يتعلق بالمشاركات
صدقيني اني مش هاسجل مشاركات غير في منتداكي انت
لا لشيء إلا لأنه هو المنتدى الوحيد لديكم الذي استطيع ان اعطي فيه
بس استني شوية عليا وباذن الله هاتشوفي حاجة تعجبك
مع خالص تقديري