دجاج مشوى بطريقه رائعه الغد المشرق

ـ الفراخ المشوية اللذيذة بطريقة سمسم والباذنجان المخلل اللى يفتح النفس وكمان التحلية فرود سلاط

دى صورة للوجبة كلها علشان افتح نفسكم الاول




المقادير :
فرخة مقطعة ثمان قطع
2 بصلة
3 حبة فلفل أخضر
3 حبة جزر
4 ملاعق زيت
4 ملاعق خل
بهارات +فلفل اسود +ملح +كسبرة جافة +بابريكا (فلفل أحمر )
طريقة التحضير :
يوضع البصل مع الفلفل الأخضر والجزر فى الكبة حتى يفرموا ناعم ثم نضعهم فى وعاء فيه الزيت والخل والبهارات والملح والكسبرة والفلفل الأحمر ونقلبهم ثم نضع الفرخة المقطعة ثمانى قطع فى الوعاء ونتركها لمدة 3 ساعات حتى يتغلغل المكونات داخل الفرخة ثم نرصها فى صينية الفرن وندخلها الفرن لمدة ساعة ونصف وده شكلها بعد اما خرجت ومعاها البطاطس المقلية اللذيذة والفلفل المقلى وبالهنا والشفا




ــــــــــــــــــــــــــــــــــــــــــــــــــ ــــــــــــــــــــــــــــــــــــــ
أما طريقة الباذنجان المخلل نأتى ب3 حبة باذنجان ونخرمها بالشوكة ثم نحمرها فى الزيت ونخرجها ونأتى ب5 فصوص ثوم مع نصف ملعقة ملح ونهرثهم ناعم ثم نضع عليهم الخل حوالى 3 ملاعق خل و1 ليمونة معصورة ونقلبهم ونصبه على الباذنجان وبالهنا والشفا وفعلا بيفتح النفس وطعمه جميل جدا وكثير من الناس يعشقون الباذنجان وده شكله بالف هنا وشفا





ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
أما طريقة الفروت سلاط
4حبة تفاح + 4 حبة خوخ + 6 حبة مشمش + 2 كوب عصير مانجو طازة
طريقة التحضير :
نقطع التفاح مكعبات وكذلك الخوخ مكعبات والمشمش ونضعهم فى وطبق التقديم ونصب عليهم عصير المانجو وممكن أضافة الكريمة على الوجه وحبة كريز وبالف هنا وشفا وده شكله بعد اما اتقطع وزيناه



وهذه الوجبة تكفى خمسة أفراد