تتصرف ازاي لو الناس فاكراك كده ؟؟

السلام عليكم أولا ..

ثانيا كنت عاوز آخد رأيكم ...

لو ليك واحد صاحبك .. أو معرفة .. زميل كان أو غيره ..

واخد عنك فكرة حلوة .. و إنك إنسان محترم و متدين و عاقل و رزين و آخر حلاوة ...

بس انت مش كده .. و انت عارف انك مش كده .. و انت قلت له إنك مش كده ..

بس هو مش راضي يصدق .. و واخد عنك فكرة حلوة قوي .. و بيقول لك بلاش تواضع .. يا عم ما تخافش من الرياء .....

تعمل ايه معاه ؟؟ و انت عارف إنه هيتصدم فيك عاجلا أم آجلا ؟؟ و انت حذرته
لكن لما تقول له انك وحش بيزداد تعلقه بيك و احترامه ليك و يقول ده الواد
ده فعلا محترم و متواضع ..

طبعا انت مش نفسك تكون وحش .. بس انت مش حلو , و بتحاول تكون حلو , و
بتحاول تدعو الناس للحاجات الحلوة .. اللي انت غالبا مش بتعملها ..

طيب تتصرف إزاي ؟؟

تبطل تعمل الحاجات الحلوة و الدعوة اليها علشان ما تحسش بالنفاق ؟؟

و لا تفضل زي ما انت و الناس كلها واخدين قلم فيك و انت حاسس انك كداب ؟؟؟

و لا تعمل اللي تقدر عليه مع نفيك و لا تدعو الى الخير الا لما تعمل كل حاجة صح ؟؟

و لا تسيبك من الدنيا بحالها و ما تصاحبش حد و ما تكلمش حد علشان لا حد ياخد عنك فكرة حلوة أو وحشة ؟؟

و لا تعمل ايه بالضبط ؟؟