أسوء أحساس مريت بي

السلام عليكم ورحمة الله وبركاته
أخوانى وأخواتى فى الله بجد انا مش عارف بتكلم معاكم كده دلوقتى ازاى مش هتصدقوا لو أقولكم انى كنت والله العظيم بموووووووووت أمبارح باليل شفت وحسيت بالموت قريب منى جدا كنت فى منتهى الالم ومن شده المى أبتديت أصرخ بقول
اشهد ان لا اله الا الله وان محمد رسول الله
وانا لسة اخواتى متجهين بيا على المستشفى وانا حاسس انى مش راجع للدنيا من جديد
وفى عز الالم كنت ببكى من شدته
وكنت والله العظيم بفكر فى شئ واحد بس
انى مصليتش العشاء وهقابل ربنا ومش عارف هقول ايه والله العظيم الموضوع ده بجد مش هزار وكنت شايف القبر وببكى لانى مقصر
ومش شايف اى حاجه فى الدنيا الى ان وصلت الى اقرب مستشفى والحمد لله أسعفونى
لما روحت البيت اول حاجه صليت العشاء وبعدين شكر لله
لانى كنت فى امتحان صعب جدا احساس انك خلاص روحك بطلع من جسدك شكرت ربنا على الاختبار وحبيت اقولكم عشان دعوتكم ليا بالشفاء وان نتائج التحاليل تكون سلبية
وكمان يكون درس لكل واحد مننا انه ميأجلش الصلاة ويعرف انه فى اقل من ثانية ممكن يغادر الدنيا ويقابل وجه كريم يا ترى هنقول ايه
وأسف انى صدعتكم
بس بجد اول ما حسيت انى كويس شويه حسيت انى محتاج لاسرتى جدا
أرجو منكم الدعاء لمرضى المسلمين جميعا
أخوكم
خالد

أخى الكريم خالد
شفاك الله وعافك
والحمد لله على سلامتك
وحكايتك فيها دعوة جميلة لاداء الصلاة فى اوقاتها
جزاك الله كل خير عنا ان شاء الله
وربنا يبارك فيك ويتمم شفاك على خير
متبقاش تتقل فى الاكل تانى
ههههههههههههه
انا بهزر معاك متزعلش
تحياتى

سلامو عليكو

اخى خالد شفاكالله وعفاك من كل سوء
والحمدالله على سلامتك وعودتك بينا مرة اخرى
شكرا على النصيحة وربنا يجعلك من عباده التوابين الاوابين
ويجعلك من الذين يتذوقون حلاوة السجود
ويتمتعون بالقرب من رب العرش العظيم
ادام الله عليك صحتك وعافيتك
اللهم ثبته عند السؤال وتقبل صلاته

تحياتى وتقبل مرورى
سلام

الف سلامه بجد ارتبكت وانا بقرا الموضوع
كلناا ندعو اليك بالشفاء العاجل
وكلنا نتمنى اكبد ان نكون معك فى شدتك
طمنا ارجوك عليك

السلام عليكم ورحمةالله وبركاته
أخواتى الفاضلات طيف تومى حنين
بجد من قلبى شكرا لكم جميعا على الاهتمام وسؤلكم عنى ودعائكم لى بالشفاء فعلا انا حاسس انى مع أسرتى لكم منى الف تحية وبجد مرسى لكم جدا
اخوكم خالد

واللهى كمان نفسى ابعت بوكيه ورد ولا علبة شيكولاته بس أعمنل ايه الصور
مش بتنزل عندى
ياريت تعتبرها وصلت
تحياتى اخى الكريم

السلام عليكم ورحمة الله وبركاته

مرحبا اخي خالد

حمدالله علي سلامتك وتجربة ومرت بسلام

لو يعرف الانسان كيف الحياة تكون حلوة لما يرضي ربه بصلواته والحفاض

عليها مساهمة جميلة لتذكير الجميع بان الموت قريب حتي لو لم نحس به

الف سلامة عليك يا بطل شفاك الله و عافاك

وان شاء الله نتائج التحاليل تكون سلبية و نحتفل كلنا برجوعك لنا سالماً

الف سلامة عليك استاذ خالد
وان شاء الله التحاليل تكون سلبية وتكون بصحة كويسة وتتعافي قريب ان شاء الله
شفاك الله وعفاك

بسم الله الرحمين الرحيم

اخى العزيز خالد

كم احزننى كثيراً ما قرأت عن مرضك و صليت كثيراً و دعوت الله ان تستعيد قواك و ترجع الى بيتك سالم ان شاء الله
لا ادرى كيف انقل لك احساسى حين قرأت عما اصابك لانك فرداً عزيز من افراد اسرتنا
و نصيحتى لك يا اخى الصبر و الدعاء هناك الكثير من الادعية المستحبة منها ما رواه عثمان بن أبي العاص قال قدمت على رسول الله صلى الله عليه وسلم وبي وجع فقال اجعل يدك اليمنى عليه ثم قل بسم الله أعوذ بعزة الله وقدرته من شر ما أجد سبع مرات ففعلت فكفاني الله عز وجل ) والدعاء كله خير وهنالك طرق أخرى فقد قال رسول الله صلى الله عليه وسلم :داوو مرضاكم بالصدقة) ومثل قول رسول الله صلى الله عليه وسلم: صنائع المعروف تقي مصارع السوء وصدقة السر تطفيء غضب الرب وصلة الرحم تزيد في العمر) شفاك الله من كل مكروه

فى انتظار قلمك لا تحرمنا منة

شفاك الله و عافاك

السلام عليكم ورحمة الله وبركاته
بجد انا حاسس انى خلاص خفيت وبقيت زى الحصان من وقت ما قريت كل الردود الحلوة دى وبشكركم كلكم على أحساسكم الجميل ده وكده انا ورايا ظهر يعنى اتعب براحتى
ههههههههههههههههههههه شكرا
خالد

» بالصبر تملك أحساس البشر من طيوفه