رسالة الى فرسان نور الاسلام

بسم الله الرحمن الرحيم

اسرتى الغالية اسرة نور الاسلام اخى الفاضل نور اعلن اليكم وبكل اسف انسحابى من المسابقة وذلك لاسبابى التالية:
اولا. ملاحظة الاهمال و عدم الاهتمام بالمسابقة بدليل تواجداكتر من عضو من فريق التحدى بدون المبادرة بتنزيل موضوعات كما لو كنت العضو الوحيد فى لفريق
ويمكن لللاخ نور حصر الموضوعات السابقة لتاكد من كلامى
ثانيا عدم التكافاة بين الفريقين بنسبة واحد الى خمسة
وفى النهاية اهنىء فريق الغد المشرق ليس على الفو ز ولكن على التكاتف والاصرار على الفوز واشكر فريق التحدى على روح التعاون
[/b]

ايه الكلام ده ياعبد الرحمن
فى الاول والاخر احنا فريق عمل واحد
واذا كانت المسابقه دى هتزعلنا من بعض بلاش منها اصلا
ياعبد الرحمن ارجوك اعدل عن فكرتك دى انت غالى علينا كلنا
وبعدين زى ماقولتلك احنا كلنا فريق عمل واحد
اشوفك على خير يارب

اخى الفاضل عبد الرحمن انا من الاسماء الى اتوجدت فى المنتدى ومش عدم اهتمام ولا اهمل منى
انى منزلتش موضوع لا لاسف انا كان عندى ظروف طارة بقالى كام يوم ولما دخلت كنت متخيلة انى الاقى فريق التحدى واشوف موضيعه بس لاسف وده عملى احباط لانى مهما كنت نزلت من موضوع مكنتش هقدر اعمل حاجة
واظن انا عمرى ما قصرت فى المسابقه ولا غير المسابقه

اولا وقبل اى شئ انسحابك من الفريق اكيد حريه شخصيه لحضرتك
واما بالنسبه لاسباب الانسحاب انا هتكلم عن نفسى لانى واحد من فريق التحدى
انا كان عندى ظروف وفاه جده زوجى ودا خلانى اتاخر كتير عن المسابقه لانى انشغلت فالوفاه وعلى قد ما اقدر شاركت بمواضيع
دا لو كان الكلام موجه ليا انا
شكرا عبد الرحمن

السلام عليكم
اخى عبد الرحمن مش معنى ان بعض اعضاء الفريق عنده ظروف انك تنسحب المفروض انك تستمر وللعلم حصل العكس فى فريقنا ومع ذلك محدش طلب الانسحاب او الغاء المسابقة انا ممكن اوافق على تاجيلها لكن الغائها لايمكن مش كل مايحصل مشكلة فى المنتدى يبقى الحل الالغاء او الحذف مع احترامى للاخت طيف انا مش معاكى فى فكرة الغاء المسابقة
ســــــــــــــــــــــــــــلامو عليكو

السلام عليكم ورحمة الله وبركاته
***************************
اولا : قرار انسحابك ده يعود ليك ودي حرية شخصية
ثانيا: انا حزينة جدا علي طريقة كلامك علي فريقك بالشكل ده وعلي العام ولو
في حاجة مضايقاك او ملحوظة واخدها علي الفريق يبقي من باب الاخوة والترابط
انك تتكلم معانا احنا الاول وعلي الخاص
ثالثا: من ساعة ما بدانا المسابقة للمرة التانية وانا اللي ملاحظة عدم
تواجدك في المسابقة مثل قبل وقلت معلشي اكيد عنده ظروف وهو عبد الرحمن مش
هيتاخر علي المسابقة غير للشديد
رابعا: لو تلاحظ الموضوعات اللي تم طرحها في باب المطبخ والديكور مش هتلاقي
غيري انا ونونا وباقي اعضاء الفريق شارك بقدر مستطاعه
خامسا: مافيش حد مطالب انه يقدم تفسير عن ظروفه اللي منعته بالمشاركة في المسابقة بالشكل المطلوب لاننا كلنا هنا عارفين كويس اوي مدي حبنا لبعض ومدي التزامنا واخلاصنا للمنتدي اولا وللفريق ثانيا
وبجد يا جماعه انا سعيدة جدا اني عضوة في فريق التحدي لانه بجد فريق متميز وجميع اعضاءه غاية في الروعه وبغض النظر عن فوز فريق الغد المشرق المتوقع في نهاية المسابقة الا اني هستمر في طرح المواضيع وهستمر في المسابقة انا وغيري من اعضاء الفريق

كل ما تحدث مشكله فى المنتدى ولو بسيطه بجد ببقى فخوره بيكم اسرتنا الغالبه
وده لسبب جوهرى
اننا بنعرض مشكلاتنا بسبب حرصنا الشديد على منتدانا
الله عليكم يا اسره نور
وبصرف النظر عن سبب المشكله فانا من نفسى عندما علمت ظروف نونا كنت ساعرض موضوعات لفريق التحدى باسمى ولكنى امتنعت حرصا على عدم التدخل بل ودخلت اكثر من مره وامتنعت عن كتابه موضوعات خاصه بالمسابقه مراعاه لظروف فريق التحدى

ولى اقتراح بسيط
مثل ما اجلنا المسابقه لظروف اعضاء المنتدى واولادهم فى الامتحانات ان تؤجل لحين الانتهاء من كل الظروف التى تعوق المشاركه
وان لا تبدا الا فى وجود تكافؤ لكل اعضاء المنتدى
اسفه للاطاله بس بجد سعيده بكم فى اجمل اسره
اختكم فى الله حنين

واللهى احنا اتحسدنا
حد نشنا عين من المنتديات المجاورة
لا مينفعش كده هابخركم مين عين الحسود دى
حادارج بدارج من كل عين حاسده

اسرة نور الاسلام الحبيبة

مافيش اى مشاكل ما بنا ولا هيحصل ن شاء الله

واذا كان عبد الرحمن بعت الرسالة وفاعتقد ان من حرصة على روح التعاون

وان شاء الله مش هينسحب لانه عضو مهم جدا ومنافس قوى جدااااااا فى فريق التحدى

انا عن نفسى اول ما اشوف مواضيع لية

بقول ربنا يستر عبد الرحمن ابتدى

ان شاء الله مافيش انسحااااااااااااااب

واحنا فالاول والاخر اسرة واحدة مش فرقين

وانا مع طيف لو المسابقة هتزعلنا من بعض يبقى بلاش منها

او التاجيل لظروف الاعضاء بالفريق التحدى

احنا فالاخر اسرة واحدة يا اسرة نور

وطيف بخرتنا من العين كمان

هههههههههههههههههههههه
واللهى انتى سكرنا وعسلنا واللهى كلامك ياموله بلسم
وكلامك عين العقل
ومش خساره فيكم البخور بقا
هههههههههههههههههههههههههههههههههههههههههه

السلام عليكم و رحمة الله و بركاتة

اخى الفاضل عبدالرحمن اخوانى و اخواتى فرسان نور الاسلام
تعمدت وكالعادة يكون ردى اخر رد لا انكر اننى واصلت متابعة الردود و كم افتخر ان فى المنتدى مجموعة مثلكم
بدءً من عبد الرحمن الذى شرح لى بالتفصيل سبب الرسالة و اعتقد انة مجرد سوء فهم ان بعض الاعضاء تعمد تجاهل المسابقة حتى يتم الغائها بشكل مهذب ولا اعتقد ان منكم من يتعمد هذا و اعلم جيداً نها ظروف خرجت عن ارادتنا
وانتظرت موقفكم جميعاً حتى يكون اثبات لاخى عبد الرحمن ان اعضاء الفريق حريصين على استمرار المسابقة و مجرد بعض الظروف منعتهم و ماشاء الله حالياً بدئت الامور تستقر
و كما كنا عادلين مع فريق الغد المشرق فى وقت ما
نتعامل مع فريق التحدى بنفس العدل على النحو التالى
تنتهى المسابقة فى طيور الجنة غداً ان شاء الله فى تمام الحادية عشر مساءً
و نبدا فى باب البرامج لان الباب التعليمى لة شأن خاص و كثرة الموضوعات بدون ترتيب ليست فى صالحة
يبدأ فريق التحدى ثلاثاء و اربعاء بدون فريق الغد المشرق ويتلاقى الغد المشرق معه الخميس ويستمر الفريقان حتى الجمعة الحادية عشر مساءً
وانتظر ردود الفريقين بدون تصويت حتى يتثنى لى معرفة من وافق على الاقتراح و من رفض
واتمنى من الله التوفيق للفريقين

مفيش كلام بعد كلامك يانور
واكيد دا حل يرضى جميع الاطراف
وفالاخر احنا كلنا اسره واحده ومفيش اى فرق بين اى من الفريقين

كل مرة بتثبت لينا انك فعلا حكيم جدا فى قراراتك يانور
وانا كمان موافقة على رأيك يانور
وتحية حب وود لفريق التحدى

اوك انا موافقة علي رايك يا نور
بس علي فكرة ممكن يكون في اعضاء برضه ماعندهمشي فكرة عن كيفية تنزيل برامج والتاكد من فعالية لينكات التحميل
دعواتي بالتوفيق للجميع

وانا كمان موافقة على رأيك يانور
وتحية حب وود للجميع والتوفيق للجميع ان شاء الله

وانا معكى يا شموس ان باب البرامج من اخطر ما يمكن
و التدخل فيه ممن ليس به خبره كافيه
يضر اى شخص ممكن يحاول استخدام احد اللينكات سواء من اسرتنا او من اى زائر وسنفقد مصداقيتنا
اما باقى الاقتراحات اعتقد انها عادله للجميع
وشكرا لكم جميعا

أنا فالبداية سعيد جدا برجوع عبد الرحمن لأنة عضو مميز جدا فى فريق التحدى وبالمنتدى ككل

بالنسبة لقرارك يانور الأسلام
أنا عارف ان رأى لا يعنى اى شئ لأنك أخذت القرار بس حبيت اقول شئ
وقبل ما اقول أحب ان اعرفكم أنى مش موجود حاليا بالفريق الغد المشرق
بمعنى انى مش متحيز للفريق
أنا اعرف ان الفريق التحدى ابتدى بالفعل من اول يوم (السبت) هما بدأوا ليلا
يعنى مافيش فرق فالوقت كبير
يعنى يومين كتير وبكدة فى ظلم لفريق الغد المشرق
مع احترامى ليك نور الاسلام
والغد المشرق لما طلب تأجيل وأخدوا يومين منفردين كان مافيش مساهمات من٠الفريق لمدة ٣ ايام
لى ملاحظة على فريق التحدى انه ابتدى فى باب البرامج من الساعة 11 ليلا واعتقد انه المسابقة المفروض تبتدى من يوم الثلاثاء
يعنى على الاقل المسابقة تبتدى من الساعة 12 ليلا

بعتزر عن كلامى وصراحتى
دة رأى وأكيد مش هيعجب بعض من الأعضاء
وطبعا نور الأسلام صاحب القرار الأول والأخير
بتمنى التوفيق للفريقين
ولاسرة نور الاسلام جميعا
شكرا اسرة نور الأسلام

احنا بدانا في مسابقة باب البرامج بعد الانتهاء من مسابقة باب طيور الجنة مباشرة يعني بعد الساعه 11 بالليل
وده التوقيت اللي حدده نور شخصيا
وعلي فكرة
سبق وبالفعل ان فريق الغد المشرق قام بنفس الفعل في باب المطبخ والديكور انهم بداوا بعد الانتهاء من موعد المسابقة في الباب السابق لهم
ولو الساعه الفرق دي هتعمل مشكلة ما
يبقي فريق الغد المشرق يبدا ساعه بدري لو يحب

ومن باب العلم ان في الفترة الاخيرة حصل ظروف طارئة لمعظم اعضاء فريق التحدي مثل حالات وفاه وانقطاع لشبكات الانترنت عند 2 من الاعضاء وسمر حتي الان لازلت في الامتحانات ولم تستطع المشاركة في المسابقة وميدو مشغول بكاس العالم ورانا كعضوة قوية في الفريق اعتذرت لظروف سفرها

يعني اللي حصل ده تقدير من نور للظروف الطارئة اللي حصلت للفريق مثلما فعل مسبقا وفعلنا جميعا مع فريق الغد المشرق في موسم الامتحانات