أصـــــل النــــــوبــــــيــــــي ــــــن!!!!!!! الغد المشرق

سم الله الرحمن الرحيم
اخوتى فى نوبتى وحضارتى ولغتى الجميلة
انهاردة هنتكلم شوية عن علماء الاثار ومعرفة الاصل النوبى
تعددت الاراء وتضاربت دراسات علماء الاثار من خلال حفريات التنقيب واوراق
البردى حول اصل النوبيين ومراحل تاريخهم
"تعالو نشوف كانو بيقولو ايه؟"
_بعض الباحثين لحقو اصل النوبيين بالمصريون القدماء
_يقول الدكتور "محمد عبد الغنى "(الشعب النوبى القديم من نفس السلاله التى
بينتمى اليها المصريون القدماء اذا فالنوبيون بقية من العنصر الحامى)
_واعتقد بعض الباحثين ان المصريون جاليه نوبيه نزحت من الجنوب للشمال
_واعتقد البعض الاخر منهم الى ان النوبيين اصلهم مصريون نزحو من مصر للجنوب
""ويمكن هما افتكروا كدة عشان لقو الاثار المصرية والالهه واهرامات النوبة
زى الفراعنه يعنى""
_والبعض منهم يعتقد بوحدة الجنس المصرى والنوبى ""وقالو رايهم ده بناءا على
ان كوش جد النوبيين اخو مصرايم جد المصريين وهما الاتنين اولاد( نوح عليه
السلام)
_منهم من قال انهم مجموعه قبائل مهاجرة ومن خلال الاندماج والتجانس كونت
منها التركيبة النوبية او ان الاثر الزنجى واضح فى اختلاطه بالاثر الحامى
او انهم من "البجة"وهم بدو من اصل حامى
_ومن العلماء من نسبهم الى "البلميين" وهم بدو مسلح
_ومن العلماء من نسبهم الى" النوباتيون" وهم بدو من اصل ليبى نزحوا من شمال
افريقيا الى منطقة النوبة السفلى واختلطو بسكانها
"ملحوظة"
"خلى بالكو النوباتيون غير النوبيون"
_والمؤرخ "مونرت دفيار" يرى ان النوبة اصل البلاد
_ جاء فى كتاب المؤرخ المصرى "عبدالله حسين" فى كتابه"المسالة الحبشية"نقلا
عن المؤرخ المعروف "هيرودوت":
(قد اشتهر الاثيويون فى هضابهم باسم حبشة ومن بقى منهم على شطوط النيل عرفو
باسم النوبة والنب فى لغتهم معناه الذهب "اى بلاد الذهب")
_وعالم الاثار العربية الشيخ"يوسف احمد" يقول فى كتابه "الاسلام والحبشة"ان
مسلمو شمال الحبشة يتكلمون اللغه الامهرية وسكان اراضى هرر الرطانة
البربرية
"والمعروف ان سكان مصر اطلقو علينا كلمة" بربرى" "قبل ثورة 23 يوليو"
ده راى بعض العلماء حول الاصل النوبى ياترا احنا مين فى دووووووول ومين
رايه صحيح
للعلم ولا واحد من دول كلامه صح احنا غير كول دول المرة الجايه هقولوكو
احنا ايه اصلنا
"اصل النوبيين "
(بس انا حبيت اجبلكم راى بعض العلماء والمؤرخين عشان تعرفو قد ايه العلماء
والمؤرخين مهتمين بمعرفه الاصل النوبى ولو مكنش للنوبيين حضارة ومكانه
عظيمة مكنوش المؤرخين والعلماء هيدورو على اصول النوبة ولا ايه رايكو؟؟؟)
"حبة حبة نعرف حضارتنا عشان نعرف نحافظ عليها"
وعلى فكرة انا نقلت الموضوع ده من جروب دهميت شمس النوبة من على الفيس بوك
ومستنى ردودكم.