كلمة الي اخواني واخواتي بمنتدي نور الاسلام

السلام عليكم ورحمة الله وبركاته
*****************************

الي اسرتي الغالية كل سنةوانتوا طيبين ورمضان مبارك عليكم وعلي عائلاتكم الكريمة

بما اننا اتعودنا مع بعض علي الصراحة من زمان

اسمحوا لي اكلمكم عن حاجة مضايقاني جدا في المنتدي هناوانا حاولت اغير منها من فترة وبرضهماحصلشي اي تغيير

اللي مضايقني يا جماعه هي مشكلة الردود علي المواضيع

خلوني اتكلم معاكم بصراحة

كلنا بندخل المنتدي هنا عشان ايه بالظبط؟؟؟

عشان نفيد ونستفيد ونقيم مع بعض حوار وتفاعل بين الاعضاء هدفه هو السمو بعقولنا وتبادل المعرفة ... صح ولا انا غلطانه؟؟؟

كلنا والحمدلله ماشاء الله علينا بنزل مواضيع زي المطر وكلها بجد وبمنتهي الفخر مواضيع مميزة جدا ومنتقاه بشكل راقي ومناسب للمنتدي

لكن المشكلة بجد واللي انا خايفة تكون مشكلة ازلية في المنتدي هي مشكلة الردود

الكل بينزل مواضيع وماحدش بيفتح المواضيع خااااااااااااااااااالص

ولو الموضوع سوبر اوي 2 بس اللي بيردوا عليه وقليييييييييييييييييييل جدا لما بيحصل ان اثنين بحالهم يردوا علي الموضوع

بجد الموضوع ده مضايقني جدا يا جماعه ويمكن يكون هو السبب في اني مش قادرة انزل ولا موضوع من فترة واننا بقالي فترة اطول برد وبس علي المواضيع

وعلي فكرة والله

انا كنت مستمتعه جداااااااااااا بقرائتي للمواضيع وبجد استفدت وخصوصا بباب الفتاوي

اسمحوا لي اكون اكثر صراحة وماحدش يزعل مني ووالله والله والله الكلام ده انا بقوله للكل وبقوله ليا انا كمان قبل الجميع

في اعضاء بينزلوا مواضيع ومش بيردوا خااااااااااااااااااالص علي ولا موضوع والمشكلة كمان انهم بيتواجدوا بشكل دائم

وفي اعضاء بينزلوا مواضيع وبيردوا ويتابعوا مواضيعهم هما بسسسسسسسسسسسس مش عارفه ليه الصراحة

انا مش بتحامل علي حد ولا اقصد بالكلام ده حد بعينه عشان بس ماحدش يفسر الكلام غلط

وانا قلت الكلام ده لنفسي قبل ما اقوله علي العام هنا

ياريت ياجماعه بجد نغير شوية من طريقة شغلنا وادائنا بالمنتدي

يعني مثلا

قبل ما اي حد فينا يدخل المنتدي ويقرر انه ينزل ولو موضوع واحد

يحاول يقرا المواضيع المطروحة الاول حتي لو كان عليها رد واحد بس لازم يفتحها ويقراها ويستمتع بجد بقرائتها ويرد ويشجع ومش شرط تبقي المواضيع المطروحة في الباب الخاص به(للمشرفين ) ومش شرط يتابع بس الموضوع اللي هو منزله ويرد عليه وبس

مش عايزة حد يزعل من صراحتي

بس بجد انا مش هقدر انزل مواضيع جديدة وفي عندنا هنا مئات المواضيع اللي ماتفتحتشي يا جماعه

تحياتي للجميع وكل سنةوانت بالف خير وصحة يارب

وانتى طيبه يا شموس
عايزه اسالك سؤال بعد غياااااااااب ليه

هو ده اللى مزعلك بس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا مش عارفه فيه ايه؟

شكرا شموس

بجد انا عارفه حرصك ع المنتدى

ربنا يخليكى لينا

فعلا يا شموسة انا معاكى ان الردود على المواضيع اهم من اضافة مواضيع

يعنى اية لازمة اننا نساهم بمواضيع وماحدش يقرائها ولا يرد عليها

انا عن نفسى بضايق لما الاقى موضوع لى وبدون اى ردود

دايما عضو او اتنين اللى بيردوا

ياريت فعلا نهتم بالردود اكتر من اضافة المواضيع

ورمضان كريم يا اسرتى الحبيبة

فعلا شموسة كلمك على حق
انا شايفه ان فى مشكلة فى الردود من فترة
لو حد رد يبقى فرد او اثتين بالكتير
شكرا شموسة وربنا يبارك فيكى
وكل سنة واسرتى الغالية نور الاسلام بخير
ورمضان كريم

السلام عليكم و رحمة الله و بركاتة
فى البداية كل رمضان و احنا جميعا بخير و يارب تكون ايامة سعيدة على الجميع
فعلا يا شمس انتى عندك حق فى كل كلمة قولتيها و انا مخطط ان شاء الله على وضع جديد مع القيادات الجديدة التى حتى الان لا نعلم من هم الحد من تكرار هذا الموضوع و بشكل عملى
مثل تحديد عدد معين للمساهمات المقدمة من الاعضاء و لا تهاون فيها
العضو الذى يقوم بطرح عدد اكبر من الموضوعات المتفق عليها يتم انذار العضو و حذف الموضوع مهما كانت اهمية الموضوع
نكتفى بعدد معين من الموضوعات و نتفرغ جميعا للردود حتى يتثنى لنا جميعا الاستفادة من المساهمات المقدمة
هدف المنتدى طرح موضوعات نستفيد منها جميعاً
وليس طرح مساهمات لزيادة عدد النقاط
ومن منكم يملك اقتراحات تخص هذا الهدف فاليتقدم بة مشكوراً

» اخواني واخواتي الغد المشرق
» انفراد وفقط على نور الاسلام جميع برامج الحماية من الفيروسات هدية لاعضاء نور الاسلام
» هديه لاعضاء نور الاسلام ولكل من يريد الدعوة الي الاسلام