ادينى ودنك هاقولك كلمة سر هقولك اسرار المطبخ متجدد لعيونكم

فى اسرار فى المطبخ ...لو عرفتيها حتسهل عليكى حاجات كتيير ..و حتفيدك قووى ...هاتوا ودنكوااااااا...

كلنا بنشتكى اكيد من الاكل بشرب الزيت جامد و عايزين حل للموضوع دة

فى حل بقى للموضوع دة خطير ...انك تحطى فى الزيت معلقة صغيرة من الخل دة بيقلل من امتصاص الاكل للزيت

لو لا قدر الله الكيكة الى انتى عاملها لزقت فى الصينية ...اوعى تقلقى.. خليكى كوووول ...وروحى هاتى فوطة مبلولة بمياة سخنة قوى ...

وحطى فوقيها الصينية ..لمدة عشر دقايق..فالبخار حيساعد الكيكة انها تطلع معاكى كويس...

لو بتعملية سوتية .... و عايزة تضيفى جزر ...حطى علية معلقة صغيييرة سكرر..

[center]دة بيساعد ان الجزر يحتفظ بلونة , و يكسبة الصلابة المطلوبة , مع عدم وضع ملح علية..

.

طبعا كلنا ميزان فى الاكل و الملح ديما دايما بيطلع مظبوووط ...ما شاء الله...

و منعا للحسد حطيط لكم وصفة علشان لو الملح ذاد فى الاكل نعمل اية ؟؟

نحط قطعة صغيرة من البصل او البطاطس..لانهم حيقوموا بامتصاص الملح الزائد..وان شاء الله الموضوع يعدى على خير..

لما تعملى سلطة اوعى تحطى الملح الا لما تيجى تقدميهاااا علشان متدبلش
[center]

لو عايزة قشرة ذهبية لذيذة على وش الكيكة بتاعتك,, رشى حبة لبن مجفف على وش قالب الكيك قبل ما تدخلية الفرن





لو جايبة تورتة بالفواكة و الكريمة.. ابقى اعزمينى ...يووووة قصدى ...لو جايبها و عايزة تقطعيهاا بسهولة.. حطى السكينة فى مياة سخنة كل ما تقطعى جزء...



لو جايبة ورق عنب طازة و حتعملية، اسلقية فى مياة مالحة لمدة دقيقتين لو كان ورق العنب خشن..اما لو كان لين ف انقعية فى مياة سخنة لمدة 10 دقايق..

قبل ما تحطى الخضار على النار ... انقعية فى مياة باردة نص ساعة علشان ميجفش اثناء الطبخ..

ولو كان الخضار من ذوات القشرة السميكة , يبقى قطعى اطرافة علشان تسمحى للمياة بانها تدخل جواةة..

لما تيجى تشترى الباذنجان ...ابقى خدى بالك اشترى ألى لية ساق مايلة لان الساق الافقية غالبا بتكون لثمار طعمها مررر..

علشان تحصلى على اللون البنى والطعم اللذيذ للبصل..انقعى شرائح البصل فى اللبن لمدة ربع ساعة قبل ما تشويهاا..

ضيفى حبة خل صغيريين للحمة و الفراخ قبل ما تطبخيهم و سيبيهم ساعة او اتنين . دة حيساعد سرعة النضج و كمان حيدى نكهة..

لما تيجى تتطبخى , متعوديش كل شوية ترفعى غطا الحلة..زى حالاتى كدةة ..لان دة بياخر عملية النضوج, و كمان بياكسد الفيتامينات و بيتلفها.

لو استخدمتى الخلاط ... و عايزة تنضفية..يبقى املية مياة ساخنة و حطى فيها كام نقطة من اى مستحضر تنظيف و شغلى الخلاط لثوانى معدود..

[/center]
[/center]