أعمل ايه؟؟؟؟؟؟؟؟

تعبت ايوة تعبت كان نفسى اصرخ بأعلى صوتى وقولها يارتنى ماكبرت لكن لالاسف مقدرش مقدرش أهرب من المسئولية الى أنا متحملها نفسى أجيب استيكة وأمسح كل لحظة ألم فى حياتى نفسى ارجع صغيرة من تانى واعيد حياتى من اول والمرة دى فى حاجات عشتها هاختار اعيشها من تانى وحاجات هامسحها بالاستيكة ومش هاعملها لكن يا خسارة لامعايا الاستيكة ولاهاينفع أرجع صغيرة من تانى طب اعمل ايه و موتى مش هو الحل ومش هى الراحة طب والحل ايه ؟؟لحد امتى هحلم بالراحة اللى مش بتجى ..................

موضوع: تذكرى الجمعة يونيو 12, 2009 4:21 am

لا اعلم لماذا ظلت تراودنى هذه الايه وانا اقرا كلماتك
الا بذكر الله تطمئن القلوب
لابد ان نكبر حتى نحس بمتعه طفولتنا ولابد ان نبتلى حتى نحس بايام الرخاء ولا بد ان نعرف حقيقه ان وعد الله حق وانه سيوفى الصابرين اجرهم بغير حساب
ولا بد ان ندرك ان نعم الله علينااااااااااا كثيره مهما احسسنا باننا شقينا كثير
فطالما مازلنا نملك عقل يفكر ويد تكتب ولسان ينطق وعين ترى واذن تسمع وقلب ينبض
اذن فهناك مازال اخرون سيسعدوا بنا وفى انتظارنا وهذه هى انبل الاهداف واخلصها وفقك الله

يا شيخة حرام عليكى دا انا الى تعبت من الجنان المكتوب دا
بزمتك انت شايفة ان المكتوب دا له علاقة بالاسلام دا كفر
انا قريت حاجات كثير عجبتنى و بنيت منها شخصية ليكى
لاقيت شخص تانى بيتكلم دلوقتى ودا بيدل على ان الشخص الى بيكتب الحاجة و نقيضها يببقى اسف معلش و طلب لنور الاسلام تابع موضوعاتك فى المنتدى و احزف اى موضوع زى دا من عندك و بلا حرج
ان شاء الله ربنا يهديكى او يهدك
ملحوظة ياريت تقرى المواضيع الى بتطبعيها على المنتدى باسمك على انك كاتباها يمكن تستفيدى منها شوية
مع السلامة عليكم

ردا على شاب وسيم
سلامو عليكو
وايه الضرر فى الكتابة هل تعتبر الفضضفة دلوقتى نوع من الكفر ومين فينا مش بيتمنى انه يمحى اشياء غلط فيها اواغضب ربنا او اتالم منها هل ما يمنع؟ مفيش انسان على وجه هذا الكوكب لم يتمنى ان يمحى اشياء من حياته ثم ان ربنا اسمه غفور رحيم وربنا يسامحنى لو كنت اساءت التعبير لانه هو وحده بس اعلم بى وبظروفى ولذلك ربنا اجاز لنا الاستغفار وكنت افضل انك تنتقد الكتابة بشكل فى شئ من الحياد لكن انت بتتكلم بشكل هجومى ومش معنى ان كلمتى لم تنول اعجابك يبقى النقد يكون هدام المفروض انك تنقد نقد بناء وكمان توجيه اتهام لى بالكفر والتضارب فى الافكار انا لااسمح ليك ابدا وكمان بتطلب بالالغاء مش من حقك اصلا هذا الطلب اولا انا مقولتش اى شى يضر المنتدى ولا شئ لايتماشى مع فكر وتوجه المنتدى وانا اللى بطلب من ادارة المنتدى التدخل لانها الفيصل وربنا يهدينا جميعا وفى النهاية شكرا على النقد وكنت اود ان تتكلم بحكمة وعقلانية اكثرمن ذلك لان فى النهاية كلنا بشر وكل البشر خطائين وخير الخطائين التوابين

موضوع: مشاركة الأحد يونيو 14, 2009 5:32 am

السلام عليكم ورحمة الله وبركاته
أخى الفاضل شاب وسيم بدايتنا أتمنى لك التوفيق والنجاح وكلنا بندعي لك ربنا يوفقك فى أمتحاناتك عشان كلنا هنا أسرة واحدة فى المنتدى البيت الكبير فلو تسمح لى تعقيب على تعليقك على الاخت الفاضلة تومى للأسف انت كنت فى منتهى القسوة فى حكمك عليها وعلى كتابتها اولا الاخ نور الاسلام أضاف باب الفضفضة للأعضاء عشان اللى فينا عنده مشكلة يتطرحها وكلنا كأسرة نحاول نحلها او على الاقل ندعيله والاخت تومى بمشاركتها فى باب فضفضة مش غلطانة بل بالعكس تحترم وهى عضوة فعالة جدا فى المنتدى وحضرتك أكيد شايف دا يبقى المفروض نشكرها على مجهودها الواضح فى المنتدى وجزاها الله كل خير ونعتذر لكى على هذا التعليق
ملحوظة الى الشاب الوسيم أكيد انت عارف ان الوسامة مش فى الشكل بس أكيد كمان فى التعبير وأختيار الكلمات

بسم الله الرحمن الرحيم
اخى العزيز شاب وسيم
اولا شكراً على اهتمامك بالمنتدى و حرصك علية وهذا بشكل شخصى لكن اعتقد انك اسأت لعضوة و اخت لك شر اسائة و تستحق منك الاعتزار الفورى على العام قبل الخاص و ان لم يتم الاعتزار و قبول الاخت تومى اعتزارك لها سوف يتم و مع الاسف الغاء عضويتك من المنتدى
و بالنسبة للاخت تومى اقبلى اعتزار منى انا بصفة شخصية و من جميع اسرة المنتدى بشكل عام
و اتمنى ان اقرأ لكى المزيد و المزيد من الموضوعات الشيقة التى ان دلت فتدل على عقلية متفتحة و قلب نابض بالايمان
والله ولى التوفيق
نــــــــــور الاســــــــــلام

السلام عليكم ورحمة الله وبركاته

اوتجه بالشكر لادارة المنتدى ولنور الاسلام على تفضله بالرد والاعتذار الذى اعتبره تكريما لى
واتوجه بالشكر ايضا للاخ الكريم خالد على اعتذاره

واشكر ايضا كل اعضاء اسرتى الصغيرة الا وهى اسرة المنتدى التى اعتبر نفسى فردا منها ولانى لااملك غير كلمة الشكر التى تعتبر اقل بكثير مما تستحقونه فارجو قبولها منى
وفى النهاية ايها الشاب الوسيم يجب ان تتعلم قبول الراى والراى الاخر
ليس معنى انى اختلفت معك فى الراى او التعبير ان اكون عدوا لك او اكون شيطان يجب رجمه يجب ان تتعلم ان تسمع للاخر وتتقبل رايه ولاتنسى ان للحوار فن وانت خرجت عن حدود اللياقة فى تعليقك على فضفضتى اليس من الممكن ان تكون لينا فى اسلوبك اكثر من ذلك او لم تتعلم ان رسولنا الكريم وقدوتنا لو ينتقد احدا ولم يتعصب على احد مهما بلغت شدة عناده او كفره او حتى لو كان يهوديا الم تسمع عن اداب الحوار من سيرة الرسول. شكرا على اساءتك لى فانا بذلك اخذت منك حسنة وانت اخذت بدلا منها سيئة فادعو الله ان يغفر لك ولى سامحك الله على تلك الاساءة المقصودة والموجه لى بشكل شخصى

واخيرا وليس اخرا اتوجه بالاعتذار لكل افراد واعضاء وزوار المنتدى لو كنت اساءت التعبير وفى النهاية ربنا يسامحنا جميعا
سلامو عليكو

» يعنى أعمل أيه أقف على الباب ومدخلش حد الا لما يوقع