محروس بياع العرقسوس

كان يا ما كان و لا يحلى الكلام الا بذكر النبى عليه الصلاة و السلام
كان فيه ولد اسمه محروس و كان ابوه بيبيع عرقسوس و فى يوم باباه تعب جدا فقرر محروس انه يسيب المدرسه و يبيع عرقسوس

كانت امه تجهزله العرقسوس و ينزل هو يبيعه فى السوق ...و فى مره كان الملك بيتمشى فى السوق شافه و نادى له و قاله ايه اللى مسيبك المدرسه قاله الحكايه الملك قاله هات العرقسوس اللى معاك و خد 50 جنيه و كل يوم الصبح تجيبلى العرقسوس و تاخد الفلوس و تروح مدرستك ........

فضل الموضوع كده لحد ما فى مرة ولد زميل محروس لاحظ ان محروس مبسوط فساله عن الحكايه و حكى له محروس فالولد الشرير قرر يوقع بينه و بين الملك ...فطلب انه يشوف الملك و قاله انا زميل محروس و بصراحه محروس بيشتكى ان جلالتك ريحه بقك وحشه قوى كل ما يقرب لك فأنا حبيت اقولك الملك استغرب و قاله الكلام ده مش صحيح محروس ولد مؤدب و مهذب الولد الشرير قاله لاحظ كده و هو بيقدم لك العرقسوس حا تصدقنى .....

و بعد كده الولد راح لمحروس و قاله على فكره لى قريب فى القصر بقيول ان الملك بيتضايق قوى من ريحتك يا محروس و النبى و انت بتتكلم معاه ابقى ودى وشك الناحيه التانيه....لما محروس راح للملك و الملك لاحظ ان محروس بيدور وشه عنه صدق الكلام و طرد محروس و أمر الحراس ان لما يجى الولد اللى بيبيع العرقسوس تانى يضربوه ......
هژںه¸–هœ°ه‌€: منتدى نور الدنيـا [عزيزي الزائر يتبقى لديك خطوة واحدة لتتمتع بجميع خواص المنتدى . ]

و فعلا قرر محروس ما يروحش للملك تانى و الولد صاحبه قرر انه هو اللى يبيع العرقسوس للملك و ياخد هو الخمسين جنيه ....ولما راح الولد ,,,انضرب علقه محترمة و اعترف بالحقيقه ......

نتعلم ايه يا أولاد يا حلوين من الحكايه دى ...ما نصدقش كل اللى بيتقالنا
تصبحوا على خير ........:d

شكرا يا ملاك

قصة جميلة

» هل تدخلت شيرين في الصلح بين نصر محروس وبهاء سلطان؟
» نصر محروس يقضي فترة نقاهة في منزله بعد تحسن حالته