الفرخة فى الازازاة

بصوا بأه بنجيب الفرخة و نتبل في عظمها من جوة بالملح و الفلفل
و بعدين نجيب بصل مبشور و عليه ملح و فلفل و شوية خل وعلبة زبادى كبيرة ونترك الفرخة فى التتبيلة دى فترة فى الثلاجة ولمى تبقى جاهزة ولو مستعجلة
نغرز الفرخة بالسكين لحد ما نصل الفتحات الي العظم
و نحاول ندخل التتبيلة بتاعتنا في الفتحات ديه و نسيب الفرخة فيها 5 دقائق مثلا
و نفتح الفرن علي درجة حرارة متوسطة
(بين المتوسطة و العالية)
ركزوا معايا بأه علشان اللي جاي عايز تركيز
نجيب زجاجة حاجة ساقعة فاضية
و التتبيلة حتكون نزلت شوية ماية بجانب الخل اللي حطيناه
نلم التتبيلة اللي تحت الفراخ بالماية و نحطهم جوة زجاجة الحاجة الساقعة و نجيب الفرخة و ندخل الزجاجة في بطن الفرخة
بحيث يكون عنق الزجاجة داخل الفرخة
كده بالضبط

[ندعوك للتسجيل في المنتدى أو التعريف بنفسك لمعاينة هذه الصورة]

يعني هنستخدم زجاجة الحاجة الساقعة كحامل للفرخة
كده
و نكتف الفرخة كويس
باننا نحط رجليها في الفتحة
و نحط الفرخة بالزجاجة علي صينية و ندخلهم في الفرن
طبعا انتم مستغربين ليه انا استخدمت الزجاجة الفارغة
(هو وجع دماغ و خلاص)
لا يا فندم مش وجع دماغ ولا حاجة
ده علشان احنا مستعجلين و الفرخة ما خدتش وقت في التتبيل
فإحنا حطينا التتبيلة جوة الزجاجة الفاضية و وقفنا الفرخة علي الزجاجة علشان ايييه؟؟
التتبيلة هتسخن و هتغلي و تتطلع البخار بتاعها داخل الفرخة
بس عايزة انبهكم ان عنق الزجاجة تكون جوة الفرخة مش بره
يعني الصورة ديه غلط

[ندعوك للتسجيل في المنتدى أو التعريف بنفسك لمعاينة هذه الصورة]

لازم العنق تكون جوة علشان نسنفيد بالبخار
احنا مش عايزين نبخر الفرن
هنبخر الفرخة بس
ولا تقلقوا
لا الزجاجة هتنفجر
ولا اي تساؤلات من اللي اتسألتها تلتميت مرة ديه هتحصل
لمدة ساعة البخار بيدور جوة الفرخة..
و كمان في فايدة كمان
ان الفرخة مش هتنشف
هتفضل طريةمن جوة
و مقرمشة من بره

[ندعوك للتسجيل في المنتدى أو التعريف بنفسك لمعاينة هذه الصورة]

(ماتركزوش في الصورة اوي علشان صاحبتنا اللي عملت الفراخ ماخدتش بالها من التحذيرات و برضه طلعت العنق بره الفرخة من الناحية التانية)
في حاجة مهمة كمان
المفروض ما نشيلش الجلد من علي الفرخة علشان هو ده اللي هيساعد انها مانتشفش
و يديها لون تححححفة
و لا تقلقوا هو هيسيح خااالصو هيكون عبارة عن جلدة مقرمشة
يعني المرأه العاملة ترجع من بره ومعاه الفرخة يا دوب تغسلها و تعملها اللي قلنا عليه ده وترتاح ساعة كده علي ما الفرخة تستوي
لو الفرخة في حدود كيلو نص بتاخد ساعة
لو اكتر يبقي الوقت هيكتر شوي
فنتابع تسوية الفرخة بأننا نغرز سكين في الدبوس بتاع الورك علشان هو ده اخر حاجة بتستوي
و بالهنا و الشفا يا فندم
ملحوظة لو وضعتى الزبادى وتركتى الفرخى لفترة الفرخة بتتشر الزبادى وبتبقى طرية وهاتخد وقت اقل فى السوا ولو انت استغنيتى عن علبة الزبادى يبقى اتبعى التعليمات السابق ذكرها

***********************************

بجد وصفه جديده من نوعها
على العموم هاخلى حنين تجربها الاول ومش هكون معاها طبعا
وبعدين نحكم بقا
ههههههههههههههههههههههههههه
شكرا احلى واجمل ملاك