كان يا ما كان واحنا صغيرين

بقالي فترة نفسي قوي اعمل موضع زي ده و هو عباره عن مكان نلم فيه كل قصص الاطفال حبايب قلوبنا و في مكان واحد

كلنا زماااااااااااان سمعنا قصص كتييييييييير و مكناش بناكل و لا بنام و لا بنشرب غير بيها و يمكن كمان و احنا كبار لسه بنحب نسمعها على الاقل بنفتكر ايام زمان

مين مسمعش و مش فاكر
كان فيه واحدة ست
عندها اتناشر بنت
يوم قلولها يا ماما
ناكل توت يا ماما
جابت لهم توت
فى وابور بيقول توووت

و لا حدودت الولد الي ركب الحصان
وبدا الحصان يجرى
درجن درجن درجن
وظل يجرى
درجن درجن درجن
وهنا شعر الولد ان الحصان يجرى
درجن درجن درجن

وممكن نملا كراستين درجن درجن بضمير مرتاح

عشان كده انا قولت كل واحد فينا قول حدوته حلوه و جميل للاطفال و نجمع هنا كل
الحواديت الي اتربينا عليها
وهابتدى

دلوقت هحكى لكم حدوتة لذيذة قوى ..
اسمها الفأرة المغرورة .....
مرة كان فيه فأرة ..حاطة فى دماغها انها جميلة جدا وانها افضل من كل صديقاتها ..وانها وانها وانها ....
وفى يوم راحت تتمشى .......فوجدت قطعة معدنية من النقود ..
فرحت جدا جدا ......قالت انا حشترى جيلاتى ..لى ولأصحابى .
وبعدين قالت ..طيب ولأصحابى ليه ؟؟ لا ..لى لوحدى ...وبعدين قالت ..لا لو اشتريت جيلاتى ...حاكله ومش حاتفضل سعادتى بالفلوس ...فكرت وفكرت ...وقالت انا حشترى شريط جميل لونه روز ..واضعه فى شعرى ....
وقفت فى الشباك سعيدة قوى بنفسها ......
مرت الفئران ...قالوا لها يافأرة انتى جميلة جدا .....بصت لهم وقالت لهم مانا عارفة .
مر الكلب وقال لها يافأرة شكلك رائع ..تتجوزينى ؟؟؟
قالت له سمعنى صوتك .....راح هوهو ......قالت له صوتك مزعج ..
مر الحمار قال لها شكلك جميل قوى ...تتجوزينى ؟؟؟
قالت له غنى لى ......غنى لها .....قالت له صوتك وحش جدا وابعد عنى ...
مر الديك وقال لها انتى جميلة جدا تتجوزينى ؟؟؟
قالت له ايه ميزاتك ؟؟ قال لها اصحى الكل فى الفجر واقول كوكو
كوكو .........قالت له انت مزعج ..انا ذنبى ايه اصحى بدرى وانا بحب النوم .....
مر القط ....وقف قدامها .......و فجأة راح وكلها هم هم و هي عماله تنده على كل الفران صحبها و الكلب و الحمار و الديك
بس محدش رد عليها لان كلهم كانوا بعدم و سبوها لوحديها عشان هي مغروة قوي

فكرة رائعة يا تومى
وكدة يبقى سهل البحث عن القصص بسهولة لو محتاجين

انتى دايما افكارك رائعة
شكرا ليكى