بوفتيك بالمشروم انما ايه ولا اى اى ولا زى زى

اخواتي اليوم هنزل لكم طريقة اتمني تكون جديدة لان الواحد بيمل من البفتيك بالطريقة التقليدية انا مش بعمل بمقادير ثابتة لكن المطلوب:
استيك/جزر/بسلة/مشروم/2بصلة مفرومة/بهاراتك

1)هتجيبي الاستيك يكون متبل بالبصل والملح والفلفل وممكن بهارات اللحمة وانا بتبله بتوابل مجمعة روعة بجد(حبهان مطحون ورق لورا مطحون فلفل مطحون) يفضل تتبليه من قبلها بشوية

2)تجهزي الحشوة وهي عبارة عن
جزر وبسلة ومشروم....تشوحيهم مع بصلة وممكن تزوديهم شوية ماية لحد مايستوو وتبهريهم بالملح والفلفل انا بضيف المشروم المعلب في الاخر(بعد ماأشطفه بالماء من المواد الحافظة) ومش ضروري تكون الخضروات استوت تماما لانها هتنضج مع اللحم بس تكون دخلت في السواء

[ندعوك للتسجيل في المنتدى أو التعريف بنفسك لمعاينة هذه الصورة]
3)وبعدين تفردي قطعة الاستيك وتكون رقيقة وتحشيها بالحشوة تقفليها كويس من جميع الجهات بخلة الاسنان
[ندعوك للتسجيل في المنتدى أو التعريف بنفسك لمعاينة هذه الصورة]

4)نشوح قطع الاستيك في الزبدة حتي يتغير لونها
[ندعوك للتسجيل في المنتدى أو التعريف بنفسك لمعاينة هذه الصورة]

5) نضيف بصلة مفرومة تاخد تقلبتين مع اللحم ثم نزود كوبايتين او 3 ماية ونخفض النار ونغطيها ونتركها تنضج
[ندعوك للتسجيل في المنتدى أو التعريف بنفسك لمعاينة هذه الصورة]

وهذا هو الشكل النهائي...ولو بتحبي الصوص تخين ضيفي م دقيق في شوية ماء وضفيها وممكن كمان لو تبقي معك شوية من الحشو تضفيها علي الصوص وتتركيها تنضج مع اللحم
[ندعوك للتسجيل في المنتدى أو التعريف بنفسك لمعاينة هذه الصورة]

ودة الشكل من جوة بجد الطعم رااااااائع وزي ماقلتلكوا البهارات بتعطي الاكل مذاق مختلف مميز.... وعملت معها ارزابيض

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الله عليكى

تسلم ايدك

» بوفتيك اللحم(فريق التحدى)
» بوفتيك بطريقه جديدية لانج
» ستيك اللحم بالمشروم الغدالمشرق