محتاج اتكلم كتير

محتاج اتكلم كتيييييييييييير اوى وياريت
تستحملونى وتفهمونى

عارفين لما تحسوا انكم ولا حاجه؟
لما تحس انك كل على الاسلام؟
اينما توجه لا تأت بخير؟
لما تحس ان كل اللى بتحلم بيه وتسعى له دا احلام؟
وانك مين انت اصلا علشان يكون لك فى عزة الدين دا نصيب؟
او فى عودة الخلافه؟
لما تحس انك ولا حاجه؟
وكمان انك متجرىء على ربك؟
عارف لما خلاص تيأس وتقول اليأس راحه فلا تأملونى من جديد ؟
وتبقى الدنيا ضلمه اوى مش شايف فيها اى نور؟
لما خلاص تتمنى الموت لانك مش بتفيد بل حاسس انك فعلا كل على الدنيا كلها؟
لما تبقى كل يوم وانت نازل تقول يارب مرجعش تانى؟
لما تنسى ان ربك حنين وتفتكر بس انه جبار ومنتقم؟
لما تنسى كل المعانى الروحانيه اللى كنت بتعيش بها
لما تنس حب ربنا وتنسى رحمته؟
لما تنسى التوكل وتنسى ان الامل موجود ما دامت الحياه؟
وتكون انسان متشائم كئيب
بكاء وحزين
متضايق وكل اللى حواليك متضايقين علشانك؟
عايش فى ظلام ومش حاسس ان فى نور هيكون؟

لما تبقى محتاج اوى تكلم ربنا بس مكسوف اوى منه؟
وبجد مش قادر تتكلم معاه مش قادر ترفع صوتك بالمناجاه؟
لما تبقى بتكلمه بس بقلبك وانت عنيك فى الارض
وبتقوله سامحنى انا بضحك على نفسى انا مش هكون شىء نافع للامة دى؟
انا مش من عبادك الصالحين اللى هيرثوا الارض؟
لما تحس بضيق وحزن لانك بجد بعدت ومش عارف ترجع؟
حاسس انك توهت وعارف الطريق بس رجليك مش شايلاك علشان تمشى فيه
تايه
ضايع
مسكين
بس تحاول مره واتنين
وربك علشان حنينن يبعت لك صحبه الخير اللى تشيلك شيل وترجعك لمكانك
وتقولك انت مكانك هنا انت متوهتش
رحمن اوى ورحيم؟
صح؟
حنين
لما تلاقيه بيشجعك وبيطبطب عليك
لما تلاقيه بيجفف دمعك ويحنو عليك
لما تحس انه بيقولك بل ستكون لها
ان لم تكن للحق انت فمن يكون
وقتها
بتحس بخجل اوى انك مرجعتش من الاول
انك مرتمتش ساجد فى كنف ربك
بتحس براحه غرييييييييييبه جدا
لان بذكره تطمئن القلوب
لان بذكره يطيب العمر
لما تفتكر قوله وانا معه اذا ذكرنى بتحس اوى بقربه منك
مع كل تسبيحه وكل تهليله وكل تكبيره
لما تلاقى كل الناس بتقولك الملتفت لا يصل
ركز ووالله ستكون
لما الكل يشجعك وتلاقى روحك ردت فيك
لما تحس انك لو صدقت ربك هيصدقك
ولما تتيقن ان دعوة ربنا عمرها ما بتأخر
لما ييسر لك انك تسمع وتقرآ عن تحديد الهدف
وتحدد هدفك بشكل عملى ومكتوب
وتحس ان الامر اسهل مما تتخيل بس بعون المولى
بحوله وبقوته
لما تقعد بقى فى الاخر تفكر فى الموضوع كله
تلاقى ربك بيعلمك
ملكش غيرى
بيعلمك التوكل
بيعلمك حسن الظن
بيقولك
اتقينى اجعل لك مخرجا
عارفين عاوز اقول ايه؟
عاوز اقول ان ربنا احن علينا من انفسنا
عاوز اقول ان من تقرب اليه شبرا تقرب سبحانه اليه ذراعا
عاوز اقول بس خد اول خطوه فى الاقبال على ربنا وملكش دعوه بالباقى
عاوز اقول ملكش غير ربك اجرى عليه واحكيله ومتتكسفش اصلك ملكش غيره
عاوز اقول متخليش اى حد يثبطك مهما كان الحد دا لان انت غير كل الناس انت عايش علشان ربنا ودعوة ربنا
عاز أقول إن اللي معا ربنا عمره ما يضيع
الله ضيعنا لما اضعناه
إياك انك تضيع حق ربك
عيش لله
وأحسن الظن
ولا تتنازل عن اى اى اى جزء من أهدافك
لأنك لو تنازلت عن نقطه بكره تتنازل عن غيرها
وبعده حلمك يضيع
ياريت اجد رد وتفاعل

سبـــحان الله وبحمده سبـــحان الله العظيم

مشكورة يا رانا
عاشت ايدك

» بيجامات سبورت حلوين كتير كتير/ فريق التحدي
» تحليل الشخصيه رجاء الرد من كل اعضاء المنتدى لهذه الاسئله
» فيلا كتير روعة