تصويت هام لفرسان نور الاسلام

السلام عليكم ورحمة الله و بركاتة

فرساننا الاعزاء

لقد تم ملاحظة ان معظم اعضاء الفرقتين غير متواجد بسبب ظروف الامتحانات و اقترح تأجيل المسابقة لحين الانتهاء منها
و ادعو الله التوفيق لكل ابنائنا الطلاب
بالتوفيق ان شاء الله

قرار صائب
ربنا يبارك فيك يانور

هي فكرة كويسة

بس قبل ما اقول التصويت الخاص بي

عايزة اعرف الاول موقف المواضيع المطروحة من فريقي في باب المطبخ
احنا كفريق بدانا بالفعل في باب المطبخ ونزلنا مواضيع كتيرة ....... ايه موقف المواضيع دي بالظبط؟؟؟ وياتري المسابقة هتتوقف مؤقتاً بعد الانتهاء من المسابقة في باب المطبخ ولا مش هنكمل اساسا المسابقة في باب المطبخ الا بعد الامتحانات؟؟

ارجو التوضيح عشان نقدر نصوت صح

وشكرا

شموس لو نتيجه المسابقه النهارده الجمعه متهيالى معظمنا شارك فيها
وحرام نضيع مجهود بعضهم
وارجو مثلا ان تبدا المسابقه تانى اول شهر يونيو
وشكرا ليكم جميعا

السلام عليكم
معاكى حق يا شموسة بس طبعا النتيجة واضحة وانا موافقة على تأجيل المسابقة لانشغال معظم اعضاء الفريقين ومبروك لفريق التحدى مقدم
شكرا نور لتفهمك
ســــــــــــــــــــلام

موضوع: رد على التصويت السبت مايو 08, 2010 5:52 pm

فرساننا الاعزاء

لقد اوضحت فى التصويت ان السبب الرئيسى للتأجيل واضح و اعتقد انة تم ملاحظتة من خلال الجميع و ليس فرد واحد و هو انه لم يشارك من فريق الغد المشرق سوى عضو او اثنين امام فريق كامل بالتالى النتيجة واضحة ستة ايام عمل كاملة من فريق مجتهد امام فريق غير متواجد لظروف خاصة الفارق كبير طبعاُ لان فريق التحدى حتى الاسبوع الاخير هو الفريق الفائز
اما بالنسبة لمجهود فريق التحدى لن يضيع سوف يتم حصر الموضوعات بالكامل مع استكمال المسابقة
ونظراً لشفافية المسابقة و العدل بين الفريقين اقترح عليكم الاقتراح التالى :-
عند بداية المسابقة مرة اخرى سيبدء فريق الغد المشرق مبكراً بيومين و لن يتم احتساب اى موضوعات لفريق التحدى قبل اليوم الثالث للمسابقة
مدة المسابقة اسبوع بالنسبة لفريق الغد المشرق
و خمسة ايام بالنسبة لفريق التحدى
تاريخ المسابقة سوف يتم تحديدة بالاتفاق فيما بيننا مع نهاية امتحانات المدارس ان شاء الله
اسئلكم جميعاً الدعاء لابنائنا الطلاب
وفقكم الله

السلام عليكم
فى البداية بشكر الاخ نور على المبادرة الكريمة فى حسم اموضوع باحتيارالقرار الصائب لاننا بالفعل قمنا بانزال موضوعات اكثر من خمسة ايام فمن الطبيعى اتاحة الفرصة للفريق الاخضر لنزال موضوعاتلمدة يومين على الاقل وانا بالاصالة عن نفسى ولا اعلم راى باقى الفريق ارحب جدا بالقرار وارى ان قمة العدل وانا موافق

فالبداية بشكر نور على سعة صدرة وتقديرة لانشغلانا

وبشكر عبد الرحمن لتفهمة الامر والموافقة على اقتراح نور

شكرا لكم يا اسرة نور

السلام عليكم ورحمة الله وبركاته
اولا بشكر اخى الغالى نور على هذا الحل لانه بذلك لم يظلم احدا لا الفريق الاحمر ولا الفريق الاخضر وبشكره ايضا على تفهمه للظروف التى تمر بنا وهذا كعهدنا به
ثانيا بشكر اخى الغالى عبد الرحمن بشكرك بشدة لتفهمك للوضع الحالى وظروف الامتحانات
وفعلا ياعبد الرحمن الفريق الاحمر احسن اختيار من يقوده وربنا يبارك فيك
ثالثا بشكر الفريق الاحمر فريق التحدى لتفهمهم الوضع الحالى ومسانتدهم لنا وبقول بجد انتم اثبتم اننا مش فريقين لا واللهى
انتم اثبتم اننا فريق واحد تحت شعار واحد يجمعنا مكان واحد وهو نور الاسلام
تحية خاصة منى لاخى الغالى القاضى ولاخى نادر ولاحلى حنين ولاغلى ملاك
ولاحلى واغلى موله

السلام عليكم ورحمة الله وبركاته

شكرا نور علي توضيحك لفكرة تاجيل المسابقة

وفعلا اقتراحك عادل بالنسبة للفريقين

وانا موافقة علي التاجيل لحد نهاية الامتحانات وحددوا براحتكم المواعيد المناسبة للبدء تاني

بس يارب اكون لحقت ارجع لمصر عشان ابدا معاكم المسابقة

وبجد انا سعيدة جدا بجميع الاعضاء اللي شاركوا في مسابقة فرسان نور الاسلام وخاصة عبد الرحمن والقاضي وامل لانهم فعلا بذلوا مجهود غاية في الروعه

ولنادر وطيف ونونا ورانا وسمر وملاك وحنين لانهم رغم الضغوط ومشغولياتهم شاركوا بقدر استطاعتهم

وبتمني من كل عضو في منتدي نور الاسلام انه يشارك معنا في المسابقة لانها بجد مسابقة جميلة جدا واثبتت ان كلا الفريقين فرسان حقاً

» التشكيل المبدئى لفرسان نور الاسلام
» تهنئة من القلب لفرسان نور الاسلام من كلا الفريقين
» انفراد وفقط على نور الاسلام جميع برامج الحماية من الفيروسات هدية لاعضاء نور الاسلام