صينية بطاطس بيضاء بالفراخ الغد المشرق

جايبلكم طريقة صينية بطاطس جميلة اوي وسهلة وخفيفة على المعدة

وتغيير للروتين اليومي للاكل

وهي صينية بطاطس بيضاء بالفراخ

المقادير

1 طماطم 1بصل 2 فلفل رومي او حراق
علبة زبادي صغيرة
2 م ك خل
2 م ك زيت
عصير 2 ليمونة
م ص ملح ونص م ص فلفل و ربع م ص حبهان مطحون و نص م ص زعتر

فرخة مغسولة ومقطعة

بطاطس بالكمية اللي تحبيها حسب عدد الاشخاص اللي هياكلوا

والطريقة

نضرب جميع المقادير في الخلاط ماعدا الفرخة طبعا [ندعوك للتسجيل في المنتدى أو التعريف بنفسك لمعاينة هذه الصورة]
والبطاطس

ونصب الخليط ده على الفرخة ونسيبها تتبل من بليل للصبح في التلاجة

وبعدين الصبح نجيب البطاطس نقشرها ونقطعها حلقات ونغسلها

ونجيب الصنية بتاعتنا ندهنها ب م ك سمنة ونحط حلقات البطاطس ونرش عليها ملح
وفلفل خفيف

ونرش عليها تتبيلة الفراخ بتاعتنا وبعدين نرص الفراخ فوق البطاطس ونحط نص
كوباية مية

ونغطي الصينية بورق فويل ونسيبها تستوي فالفرن على درجة حرارة متوسطة لمدة
من ساعة او ساعة ونص

ولو حسيتوا انها شربت المية ولسه مستوتش زودوا نص ك مية كمان

وفالاخر شيلوا الفويل وسيبوها شوية ربع او نص ساعة فالفرن

وده شكلها النهائي

[ندعوك للتسجيل في المنتدى أو التعريف بنفسك لمعاينة هذه الصورة]
صورة اقرب للتعذيب [ندعوك للتسجيل في المنتدى أو التعريف بنفسك لمعاينة هذه الصورة]

وللعلم انا سبتها ساعتين فالفرن على نار متوسطة والبطاطس مش جرالها حاجة
وكان سواها مظبوط