كوسا محشيه باللبن الغد المشرق

بسم الله الرحمن الرحيم وبه نستعين
[ندعوك للتسجيل في المنتدى أو التعريف بنفسك لمعاينة هذه الصورة]

حبيت اليوم اشاركم بوصفه لذيذه وخفيفه على قلوبكم اول حاجه هنبدا بالمقادير وهي كالاتي:
المقادير:
(أ)1/2 كيلو للحمه مفرومه+2 بصل مفروم +ملح وفلفل اسود+1كوب شوفان
(ب)1/2 كيلو كوسه متقوره او متفرغه او زي ما بتقولوها ههههههههه+1/2 كوب زيت زيتون
(ج)علبة للبن رائب كبيره كامل الدسم ضروري +ملح وفلفل +3 ملاعق نشا +1/4 كوب ماء
(د)حزمة كزبره خضرا مفرومه ناعم +من 4الى 5 فصوص توم او زي ما بتحبي كمية التوم
الطريقه:

اول حاجه نبدا ب (أ) نخلط اللحمه مع البصل والفلفل والملح بس ونحطهم على النار ونقلبهم لحد ما يستوا زي كده

[ندعوك للتسجيل في المنتدى أو التعريف بنفسك لمعاينة هذه الصورة]
وبعدين بعد ما نطفي على اللحمه نضيف الشوفان ونخلطهم مع بعض[ندعوك للتسجيل في المنتدى أو التعريف بنفسك لمعاينة هذه الصورة]

بعد كده نجي ل(ب) نحشي الكوسه ونحمرها في زيت الزيتون كله بس ماترميش الزيت بعد ما تخلصي خليه هنحتاجه في الاخر
[ندعوك للتسجيل في المنتدى أو التعريف بنفسك لمعاينة هذه الصورة]

بعد كده نجي ل(ج) نحط اللبن في قدر على الناروندوب النشا مع الماء ونصبه على اللبن ونحط الملح والفلفل ونقلبه كويس قبل مايسخن اللبن عشان مايفصلش معاكي اللبن ده مهم جدا ونضيف عليه الكوسه المحمره قبل الغليان واول ما يبدا يغلي نوطي عليه النار ونسيبه لحد الكوسه ماتستوي
[ندعوك للتسجيل في المنتدى أو التعريف بنفسك لمعاينة هذه الصورة]

وبعدين نجي ل(د) ناخد بقيت زيت الزيتون اللي بقي ونحمر فيه التوم مع الكزبره الخضرا ونضيفه على اللبن ونغطيه شويه
[ندعوك للتسجيل في المنتدى أو التعريف بنفسك لمعاينة هذه الصورة]
وبعدين نقدمه
بالهنا والشفا