بساطة البيت النوبى فى القدم الغد المشرق

سلاكو وومسلمجو قرشاويجو نوبيج فهميل ملجو مرحبابكم
أخوانى خطر فى بالى فى لحظة مما كان
يتكون البيت النوبى وقد أيه كانت البيوت
كلها زى بعض من حيث الواجهة
الخارجية مبنية من حجر الدبش ومحارة طين لبن
ومسطبة للونسة واللمة
الحلوة المهم بعد محارة البيت الحريم كانو يساعدو بعض
فى الجير او صبغ
واجهة البيت كانو يروحو مجموعة مع بعض الى الجبل ويأتون بالجير
الطفلى
الأبيض ويضيفو لهذا الجير قليل من الملح الرشيدى الخشن وكل واحدة منهم
تمسك
قطعة من الخام ويقومون بغمسها فى الجير ويقومون برش واجهو البيت وبعد كدة
ممكن
يعطو لون مثل الزهر وغيره من الألوان ويزغرفو البيت وهكذا يخلصو البيت
بالضبط
فى يوم واحد كانو بيحبو بعض وبعد كدة يبدأو فى بيت تانى من بيوت
الجيران أنا طبعا
بحكى عالكان بيحصل فى البلد الجديد وليس القديم
ياشباب أنا مشفتش القديم والجار كان دايما يود الجار
ولو واحدة فيهم
عملت جاكود ولا ويكة ولا أى حاجة من أكلاتنا الحلوة كانت لازم تبعت
مع
الولد الصغير او البنت طبق للجيران وكذا الجار مش ممكن يرجع الطبق فاضى
لازم
تحط شوية سكر او رز ولو الجار مشفش جاره الصبح يروح يخبط عليه
ويسأل عليه
ويطمن عليه لاكن دلوقتى النوبى برضو أتغير والبيت أتطور
وبقى أسمنت ودورين
ومكيف وولو جاره مظهرش ميسألش عليه والله يرحم أيام
زمان.....
شباب اسف على طريقة الكتابة بالعامية لأنى قروى جدا
وفخور بقرويتى

» الفرح النوبى وخصوصية المكان الغد المشرق
» ماذا تعرف عن ( جمعية دنقلا للتراث النوبى ) الغد المشرق
» سلطه كرة القدم الغد المشرق